ಕಂಕಣವಾಡಿ ಆಯುರ್ವೇದ ಕಾಲೇಜಿನಲ್ಲಿ ಮಯೂರ ಯೋಗಾಸನ ಸ್ಪರ್ಧೆ

ಆಯುರ್ವೇದ ಕಾಲೇಜಿನಲ್ಲಿಮಯೂರ ಯೋಗಾಸನ ಸ್ಪರ್ಧೆ

ಅಸ್ಮಿತೆ ಸುದ್ದಿ : ಅಂತರಾಷ್ಟ್ರೀಯ ಯೋಗಾ ದಿನದ ಪ್ರಯುಕ್ತ ಬೆಳಗಾವಿಯ ಕೆ.ಎಲ್.ಇ. ಕಂಕಣವಾಡಿ ಆರ್ಯುವೇದ ಮಹಾವಿದ್ಯಾಲಯಗಳು ಇಂದು ವಿವಿಧ ವಯೋಮಾನದವರಿಗೆ ಮಯೂರ ಯೋಗಾಸನ ಸ್ಪರ್ಧೆ ಆಯೋಜಿಸಲಾಗಿತ್ತು.

ಸ್ಪರ್ಧೆಯಲ್ಲಿ 10 ವರ್ಷದ ಬಾಲಕರಿಂದ ಹಿಡಿದು 80 ವರ್ಷದ ವೃದ್ಧರ ವರೆಗೆ ಪುರುಷ ಮಹಿಳೆಯರು ಸಕ್ರಿಯವಾಗಿ ಪಾಲ್ಗೊಂಡಿದ್ದರು. 15 ವಿಭಾಗದ ವಿವಿದ ಭಂಗಿಯ ಯೋಗ ಪ್ರದರ್ಶನಕ್ಕೆ ಅವಕಾಶ ಕಲ್ಪಿಸಲಾಗಿತ್ತು. ಬೆಳಗಾವಿ ನಗರ ಸೇರಿದಂತೆ ಜಿಲ್ಲೆಯ ಗೋಕಾಕ, ಹುಕ್ಕೇರಿ, ರಾಮದುರ್ಗ, ಸವದತ್ತಿ ಸೇರಿದಂತೆ ವಿವಿಧೆಡೆ ಆಗಮಿಸಿದ ಎರಡು ನೂರಕ್ಕೂ ಹೆಚ್ಚಿನ ಸಂಖ್ಯೆಯಲ್ಲಿ ಯೋಗಪಟುಗಳು ಯೋಗ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದರು.

ಕಂಕಣವಾಡಿ ಆರ್ಯುವೇದ ಮಹಾವಿದ್ಯಾಲಯದ ಪ್ರಾಚಾರ್ಯರ ಡಾ. ಸುಹಾಸ ಶೆಟ್ಟಿ, "ಜನರು ಇಂದು ಮಧುಮೇಹ, ಕ್ಯಾನ್ಸರ್, ಅಧಿಕ ರಕ್ತದೊತ್ತಡ ಸೇರಿದಂತೆ ಅನೇಕ ಪ್ರಕರಾದ ರೋಗಗಳಿಂದ ಬಳಲುತ್ತಿದ್ದಾರೆ. ಇವುಗಳಿಂದ ಸುಲಭವಾಗಿ ಪಾರಾಗಾಲು ಯೋಗ ಒಂದು ಉತ್ತಮ ಮಾರ್ಗವಾಗಿರುವುದರಿಂದ ಕಳೆದ 12 ವರ್ಷಗಳಿಂದ ಮಹಾವಿದ್ಯಾಲಯದಲ್ಲಿ ಉಚಿತ ಯೋಗ ತರಬೇತಿ ಹಾಗೂ ಸ್ಪರ್ಧೆಗಳನ್ನು ಆಯೋಜಿಸುತ್ತ ಬರಲಾಗಿದೆ. ಈ ಸಲದ ಸ್ಪರ್ಧೆಯಲ್ಲಿ ವಿವಿಧ ವಯೋಮಾನದ ಇನ್ನೂರು ಯೋಗಪಟುಗಳು ಭಾಗವಹಿಸಿದ್ದಾರೆ" ಎಂದು ತಿಳಿಸಿದರು

ಯೋಗಪಟು ವಿದ್ಯಾ ಗೆವಡೆ, "ಕಳೆದ ವರ್ಷದಿಂದ ವಿವಿಧ ಭಂಗಿಯ ಯೋಗ ತರಬೇತಿ ಪಡೆದುಕೊಳ್ಳುತ್ತಿದ್ದೇನೆ. ಯೋಗದಿಂದ ಮನಸ್ಸು ದೇಹ ಚೈತನ್ಯದಿಂದ ಕೂಡಿರುತ್ತದೆ" ಎಂದು ತಿಳಿಸಿದ್ದಾರೆ.

.

ಇನ್ನೋರ್ವ ಯೋಗಪಟು ಚೇತನಾ ತೇಲಸಂಗ, " ಕಳೆದ 20 ವರ್ಷಗಳಿಂದ ಯೋಗ ಮಾಡುತ್ತಿರುವುದರಿಂದ ಯಾವುದೇ ರೋಗವಿಲ್ಲದೆ ಆರೋಗ್ಯವಾಗಿರುವೆ. ಪ್ರತಿಯೊಂದು ರೋಗ ನಿವಾರಣೆಗೆ ಯೋಗದ ವಿವಿಧ ಆಯಾಮಗಳು ಪರಿಹಾರ ಒದಗಿಸುತ್ತವೆ. ಉತ್ತಮ ವ್ಯಕ್ತಿತ್ವಕ್ಕೆ ಎಲ್ಲ ವಯೋಮಾನದವರು ಯೋಗ ಮಾಡಬೇಕು" ಎಂದು ಸೂಚಿಸಿದರು

**