ಡಿಜಿಟಲ್‌ ವಾರಸುದಾರಿಕೆ ಮಕ್ಕಳೊಂದಿಗೆ  ಸಮನ್ವಯ ಸಾಧಿತ ಶಿಕ್ಷಣ ಅಗತ್ಯ - ಶಿಕ್ಷಣ ತಜ್ಞರಾದ ವಿಷ್ಣು ಶಿಂಧೆಯೊಂದಿಗೆ ಸಂವಾದ

ಶೈಕ್ಷಣಿಕ ಕೇಂದ್ರವನ್ನಾಗಿರಿಸಿ ಅಸ್ಮಿತೆ ಡಾ. ವಿಷ್ಣು ಅವರೊಂದಿಗೆ ನಡೆಸಲಾದ ಸಂದರ್ಶನದಲ್ಲಿ ಕೇಳಿದ ಎತ್ತಿದ ಪ್ರಶ್ನೆಗಳಿಗೆ ನೀಡಿದ ಉತ್ತರಗಳ ಅಂಶಗಳನ್ನು ನಿಮ್ಮೆದುರಿಗೆ ಇಡಲಾಗಿದೆ. ಜೊತೆಗೆ ಸಂದರ್ಶನದ ವಿಡಿಯೋ ಲಿಂಕ್‌ ಮೂಲಕ  ವೀಕ್ಷಣೆಗೆ ಅವಕಾಶ ಕಲ್ಪಿಸಲಾಗಿದೆ.

ವರ್ಗೀಕೃತತಕ್ಕಿಂತ ಏಕರೂಪತೆ ಅಗತ್ಯ:

ಈಗಿರುವ ಶಿಕ್ಷಣ ವ್ಯವಸ್ಥೆ ಶಿಕ್ಷಕರು ಹೇಳುವುದು ಮಕ್ಕಳು ಕೇಳುವ ಸಾಂಪ್ರದಾಯಿಕ ಕಲಿಕಾ ಪದ್ದತಿಯನ್ನು ಅನುಸರಿಸಲಾಗುತ್ತಿದೆ. ಶಿಕ್ಷಣ ಜ್ಞಾನದ ಜೊತೆಗೆ ಬದುಕು ನಿರ್ಮಿಸಿಕೊಳ್ಳುವ ಮೌಲ್ಯಯುತ ಸಮಾಜ ನಿರ್ಮಿತಿಯ ಆನ್ವಯಿಕಗೊಳಿಸಬೇಕಾಗಿದೆ ಖಾಸಗಿ – ಸರ್ಕಾರಿ, ಉತ್ತಮ – ಕೆಟ್ಟದು, ಸ್ಟೇಟ್‌, ಕೇಂದ್ರೀಯ, ಸಿಬಿಎಸ್‌ಸಿ ಮೊದಲಾದ ವರ್ಗೀಕೃತ ವ್ಯವಸ್ಥೆಯ ಬದಲಾಗಿ  ಏಕರೂಪ ಶಿಕ್ಷಣ ಪದ್ದತಿ ಜಾರಿಗೊಳ್ಳಬೇಕು.  ಸಾಮಾಜಿ ಛಿದ್ರತೆಗಿಂತ ಜ್ಞಾನ ಮತ್ತು ಮೌಲ್ಯಗಳ ಕೇಂದ್ರೀಕೃತ    ಶಿಕ್ಷಣ ಗುಣಮಟ್ಟ ಸಾಧಿಸಲು ಸಾಧ್ಯವಾಗುತ್ತದೆ ಎಂಬುದು ವಿಷ್ಣು ಅವರ ಗ್ರಹಿಕೆಯಾಗಿದೆ.

ಕಲಿಕೆ – ಕಲಿಸುವಿಕೆ ಸಮನ್ವಯ  ಅಗತ್ಯ :

ಪಾಶ್ಚಿಮಾತ್ಯ ಶಿಕ್ಷಣ ಮಾದರಿಯನ್ನು ಅನುಸರಿಸುತ್ತ ಬರಲಾಗಿದ್ದು, ಶಿಕ್ಷಕರ ಹಾಗೂ ವಿದ್ಯಾರ್ಥಿಗಳ ಸಮನ್ವಯ ಸಾಧಿತ ಪಠ್ಯಕ್ರಮ ಮರುಸೃಷ್ಟಿಯಾಗಬೇಕು. ಮಕ್ಕಳ ವಿಕಾಸ ಪ್ರಧಾನವಾದ ಗ್ರಹಿಕೆ ಆದ್ಯತೆಬೇಕು. ಇದಕ್ಕಾಗಿ  ಪಠ್ಯದ ಅಮೂಲಾಗ್ರಹ ಬದಲಾವಣೆಯೊಂದಿಗೆ್  ಶಿಕ್ಷಕರನ್ನು ಅದರನ್ವಯ ಸಜ್ಜುಗೊಳಿಸುವಿಕೆ  ಆಗಬೇಕು ಎನ್ನುತ್ತಾರೆ.

ವೈದ್ಯಕೀಯ ಎಂಜನಿಯರಿಂಗ್‌ ಸೇರಿದಂತೆ ಆಧುನಿಕ ವೃತ್ತಿಪರ ಕೇಂದ್ರಿತ ಕೌಶಲ್ಯ ಶಿಕ್ಷಣಕ್ಕಿಂತ, ಇಲ್ಲಿ  ಕೃಷಿ, ಗುಡಿಕೈಗಾರಿಕೆ ಸೇರಿದಂತೆ ಹಲವಾರು ಉದ್ಯೋಗಗಳಿವೆ. ಅವುಗಳ ಸಾಧಿತ ರೂಪದಲ್ಲಿ ಶಿಕ್ಷಣ ರೂಪಗೊಂಡು  ಸ್ವತಂತ್ರವಾಗಿ ಹೊಸ ಬದುಕು ನಿರ್ಮಿಸಿಕೊಳ್ಳುವ ಮನೋಬಲ ಹೆಚ್ಚಿಸುವ ಕೌಶಲ್ಯ ನೀಡಬೇಕಾಗಿದೆ ಎಂದು ಕೌಶಲ್ಯತೆ ವ್ಯಾಖ್ಯಾಸಿದ್ದಾರೆ.

ವಿಷ್ಣು ಶಿಂಧೆ

ಶಿಕ್ಷಕರ ಬೌದ್ಧಿಕ ಉತ್ಸಾಹ ಬತ್ತದಿರಲಿ:

ಶಿಕ್ಷಕರು ವೃತ್ತಿ ಪ್ರವೇಶದ ಸಂದರ್ಭದಲ್ಲಿ  ಪಡೆಯುವ ತರಬೇತಿಯಲ್ಲಿ ತೋರ್ಪಡಿಸುವ  ಬೌದ್ಧಿಕ ಉತ್ಸಾಹ- ಹುಮ್ಮಸ್ಸು  ವೃತ್ತಿಗೆ ಸೇರಿದ ಮೇಲೆ ಬಹಳಷ್ಟು ಜನರು ಉಳಿಸಿಕೊಳ್ಳುವುದಿಲ್ಲ. ಹಾಗಾಗದೆ ಆ ಆರಂಭದ ಉತ್ಸವ ಸೇವೆಯ  ಕೊನೆಯ ದಿನಗಳ ವರೆಗೂ ಉಳಿಸಿಕೊಳ್ಳಬೇಕು. ಹೊಸ ತಲೆಮಾರಿನ ಮಕ್ಕಳ ಬೌದ್ಧಿಕತೆಗೆ ಅನುಗುಣವಾಗಿ ಶಿಕ್ಷಣಕರು ತಮ್ಮ ಬೌದ್ಧಿಕತೆಯನ್ನು ಬೆಳೆಸಿಕೊಳ್ಳುತ್ತ ಮತ್ತು ಅದನ್ನು ಪ್ರಯೋಗಶೀಲಗೊಳಿಸುತ್ತ ಹೋದರೆ ಬೋಧನೆಯ ಉತ್ಸಾಹ  ಬತ್ತುವುದಿಲ್ಲ ಎಂದಿದ್ದಾರೆ.

ಇಂದಿನ ಮಕ್ಕಳು ಡಿಜಿಟಲ್‌ ಮೂಲ ನಿವಾಸಿಗಳು:

ಆಧುನಿಕ  ತಂತ್ರಜ್ಞಾನದೊಂದಿಗೆ ವೇಗವಾಗಿ ಬೆಳೆಯುತ್ತಿರುವ ಇಂದಿನ ಮಕ್ಕಳು ಶಿಕ್ಷಕರಗಿಂತ ಜಾಣರಿದ್ದಾರೆ; ಹೊಸತನದ ಗ್ರಹಿಕಾಶಕ್ತಿ ಹೊಂದಿರುವ ಭರವಸೆದಾಯಕರಾಗಿರುವುದನ್ನು ಒಪ್ಪಿಕೊಳ್ಳಬೇಕು.  ಕಲಿಸುವ ಹಳೆ ತಲೆಮಾರು ಅಥವಾ ಹೊಸತನಕ್ಕೆ ಸ್ಪಂದಿಸದ ಶಿಕ್ಷಕರು ಡಿಜಿಟಿಲ್‌ ಯುಗಕ್ಕೆ ವಲಿಸಿಗರು.  ಡಿಜಿಟಿಲ್‌ ಮೂಲ ನಿವಾಸಿಗಳೊಂದಿಗೆ ಈ ವಲಸಿಗರು ಸಮನ್ವಯ ಸಾಧಿಸಬೇಕು. ಈ ಮಕ್ಕಳಲ್ಲಿ ವರ್ಗ, ಜಾತಿ, ಶ್ರೇಷ್ಠ – ಕನಿಷ್ಠತೆಯ ತಾರತಮ್ಯೆತೆ, ಬಡವ- ಬಲ್ಲಿದ, ಸ್ಪರ್ಶ – ಅಸ್ಪರ್ಶ ಇಂಥ ಮಾನಸಿಕ ಏರಿಳಿತಗಳು ಅವರಲ್ಲಿ ಇಲ್ಲ.  ಅವರ ಚಿಂತನೆ ಮತ್ತು ಗ್ರಹಿಕೆ ವಿಶಾಲವಾಗಿರುವುದನ್ನು ಶಿಕ್ಷಕರಾದವರು ಅರ್ಥೈಯಿಸಿಕೊಂಡು ಅವರ ಮನೋಬಲಕ್ಕೆ ಸ್ಪಂದಿಸಿಬೇಕಾಗಿದೆ.

ಯಂತ್ರಗಳ ಮೂಲಕ ಸಂವೇದನಾಶೀಲತೆ:

ಅತಿಯಾದ ಯಂತ್ರಗಳ ಅವಲಂಬನೆಯಿಂದ  ಸಂವೇದನೆಗಳ  ಕೊರತೆ ಉಂಟಾಗುವುದು ಸಹಜ. ಆದರೆ, ಶಿಕ್ಷಣ ವ್ಯವಸ್ಥೆ ಮತ್ತು ಶಿಕ್ಷಕರು ಯುಂತ್ರಗಳ ಮೂಲಕ ಹೊರ ಜಗತ್ತಿನೊಂದಿಗೆ ತೆರೆದುಕೊಳ್ಳುವುದಕ್ಕೆ ಅವಕಾಶ ಕಲ್ಪಿಸಿ ಸಮಕಾಲೀನ ಸಂವೇದಕರನ್ನಾಗಿ ಮಾಡುವುದು ಅಗತ್ಯವಿದೆ.

ವಿದ್ಯಾರ್ಥಿಗಳ ಗ್ರಹಿಕೆಗೆ ಅಭಿವ್ಯಕ್ತಿಯ ವೇದಿಕೆ ಅಗತ್ಯ:

ಕೊಟ್ಟ ಪ್ರಶ್ನೆಗಳಿಗೆ ಉತ್ತರಿಸುವ, ತಾನು ಹೇಳಿರುವುದನ್ನು ಮಾತ್ರ ಕೇಳಬೇಕು ಎನ್ನುವ, ತಾನು ಕೊಟ್ಟ ಆಕರಗಳನ್ನು ಮಾತ್ರ ಬಳಸಿಕೊಳ್ಳಬೇಕು ಎಂಬ ಶಿಕ್ಷಕ  ಬೆರಳು ತೋರಿಕೆ ಕೇಂದ್ರಿತ  ಶೈಕ್ಷಣಿಕ ವ್ಯವಸ್ಥೆಯಿಂದ ಹೊರಬರಲಾಗಿದೆ. ಅಂಕಗಳ ಆಧಾರಿತ  ಪರೀಕ್ಷಾ ಪ್ರಾಧಾನ್ಯತೆಗಿಂತ ವಿದ್ಯಾರ್ಥಿಗಳ ಗ್ರಹಿಕಾ ಶಕ್ತಿ ಅಭಿವ್ಯಕ್ತಿಯ ವೇದಿಕೆ ಕೇಂದ್ರಿತ ಪ್ರಾಯೋಗಿಕ ಶಿಕ್ಷಣಕ್ಕೆ ಪ್ರಾಮುಖ್ಯತೆ ದೊರೆಯಬೇಕಾಗಿದೆ.

ಶಿಕ್ಷಕರಿಗೆ ಜೀವನ ಭದ್ರತೆ ಅಗತ್ಯ :

ಶಿಕ್ಷಣದ  ಆನ್ವಯಿಕ ಹೊಸ ಹೊಸ ಪ್ರಯೋಗಗಳು ಪರಿಣಾಮಕಾರಿ ಅನುಷ್ಠಾನಗೊಂಡು ಮಕ್ಕಳ ಮನೋವಿಕಾಶ ಆಗಬೇಕಾದರೆ, ಅವರನ್ನು ಸಜ್ಜುಗೊಳಿಸುವ ಶಿಕ್ಷಕರ ಜೀವನ ಕ್ರಮಕ್ಕೆ  ಭದ್ರತೆ ದೊರೆತರೆ ಮಾತ್ರ ಸಾಧ್ಯವಿದೆ. ಇಂದು ಬಹುಸಂಖ್ಯಾತ ಶಿಕ್ಷಕರು ಜೀವನದ ಅಭದ್ರತೆಯಲ್ಲಿ ಜೀವಿಸುತ್ತಿದ್ದಾರೆ. ಶಿಕ್ಷಕರು ಶಾರೀರಿಕ ಮತ್ತು ಮಾನಸಿಕವಾಗಿ ಸದೃಢತೆ ಸಾಧಿಸಬೇಕಾದರೆ ಅವರ ವೃತ್ತಿ ಹಾಗೂ ಆರ್ಥಿಕ ಭದ್ರತೆ ಒದಗಿಸುವುದು ತುಂಬಾ ಮುಖ್ಯವಾಗಿದೆ.

ನೇಮಕಾತಿಯ ಮಾನದಂಡಗಳು ಕಠಿಣವಾಗಬೇಕು:

ಶೈಕ್ಷಣಿಕ ಗುಣಮಟ್ಟ ಕಾಯ್ದುಕೊಳ್ಳಲು ಅರ್ಹ ಶಿಕ್ಷಕರ ನೇಮಕಾತಿ ನಡೆಯುವಾಗ ಭ್ರಷ್ಟತೆಗೆ ಅವಕಾಶ ಕಲ್ಪಿಸದೆ ಸರ್ಕಾರದ ನೇಮಕಾತಿ ನಿಯಮಗಳನ್ನು ಪ್ರಾಮಾಣಿಕವಾಗಿ ಪಾಲಿಸಿ ಪಾರದರ್ಶಕತೆ ಆದ್ಯತೆ ನೀಡಬೇಕು. ಅರ್ಹ ಶಿಕ್ಷಕರು ನೇಮಕಾತಿಗೊಂಡಾಗ ವೃತ್ತಿ ಗೌರವ ಪಾಲಿಸಬೇಕು ಎಂದು  ಡಾ. ವಿಷ್ಣು ಶಿಂಧೆ ವಿಚಾರಗಳನ್ನು ಹಂಚಿಕೊಂಡಿದ್ದಾರೆ.

ಸಂದರ್ಶನ : ಡಾ. ಕೆ.ಎನ್.‌ ದೊಡ್ಡಮನಿ