ವಾಯುವ್ಯ ಸಾರಿಗೆ ಸಂಸ್ಥೆಗೆ ಕಿತ್ತೂರು ರಾಣಿ ಚನ್ನಮ್ಮ ರಸ್ತೆ ಸಾರಿಗೆ ಸಂಸ್ಥೆ ನಾಮಕರಣ; ಚನ್ನಮ್ಮ ಫ್ರೀಡಂ ಪಾರ್ಕ್ ನಿರ್ಮಾಣ: ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್ ಭರವಸೆ
ಜನರು ಅಧಿಕಾರ ನೀಡಿದ್ದಾರೆ; ಅವರ ಋಣವನ್ನು ತೀರಿಸಲು ಪ್ರಾಮಾಣಿಕ ಪ್ರಯತ್ನ ಮಾಡಲಾಗುವುದು. ಕಿತ್ತೂರು ಚನ್ನಮ್ಮ ಎಲ್ಲರ ಬದುಕಿಗೆ ಮಾದರಿಯಾಗಲಿ ಎಂದು ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ ಹಾರೈಯಿಸಿದರು
ಮೂರು ದಿನಗಳ ವಿಜೃಂಭನೆಯ ಕಿತ್ತೂರು ಉತ್ಸವಕ್ಕೆ ತೆರೆ
ವಾಯುವ್ಯ ಸಾರಿಗೆ ಸಂಸ್ಥೆಗೆ ಕಿತ್ತೂರು ರಾಣಿ ಚನ್ನಮ್ಮ ರಸ್ತೆ ಸಾರಿಗೆ ಸಂಸ್ಥೆ ನಾಮಕರಣ; ಚನ್ನಮ್ಮ ಫ್ರೀಡಂ ಪಾರ್ಕ್ ನಿರ್ಮಾಣ: ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್ ಭರವಸೆ
***
ಕಳೆದ ಮೂರು ದಿನಗಳಿಂದ ಅತ್ಯಂತ ವಿಜೃಂಭಣೆಯಿಂದ ಜರುಗಿದ ಕಿತ್ತೂರು ಉತ್ಸವಕ್ಕೆ ಇಂದು ಸಂಜೆ ತೆರಿಬಿದ್ದಿತು.
ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ ಉಪಸ್ಥಿತಿಯಲ್ಲಿ ಕಿತ್ತೂರು ಉತ್ಸವದ ಸಮಾರೋಪ ಸಮಾರಂಭದ ಜರುಗಿತು.ಕಿತ್ತೂರು ಶಾಸಕ ಬಾಬಾಸಾಹೇಬ ಪಾಟೀಲ ಸಮಾರಂಭದ ಅಧ್ಯಕ್ಷತೆ ವಹಿಸಿದ್ದರು. ಹಿರಿಯ ಲೇಖಕಿ ಪ್ರೊಫೆಸರ ಸವಿತಾ ಬನ್ನಾಡಿ , ಸಕ್ಕರೆ ಹಾಗೂ ಜವಳಿ ಖಾತೆ ಸಚಿವ ರುದ್ರಪ್ಪ ಲಮಾಣಿ, ಸಚಿವ ಮಲ್ಲಿಕಾರ್ಜುನ, ಸರ್ಕಾರದ ಮುಖ್ಯ ಸಚೇತಕ ಅಶೋಕ ಪಟ್ಟಣ, ಶಾಸಕರಾದ ಲಕ್ಷ್ಮೀ ಹೆಬ್ಬಾಕರ, ಮಹಾಂತೇಶ ಕೌಜಲಗಿ, ರಾಜು ಸೇಠ, ಕೋನರೆಡ್ಡಿ , ವಿಶ್ವಾಸ ವೈದ್ಯ, ಚೆನ್ನರಾಜ ಹಟ್ಟಿಹೊಳಿ, ಕಿತ್ತೂರು ರಾಜಗುರುಮಠದ ಮಡಿವಾಳ ರಾಜೇಂದ್ರ ಸ್ವಾಮಿಜಿ, ನಿಚ್ಚಾಣಕಿ ಮಠದ ಪಂಚಾಕ್ಷರಿ ಸ್ವಾಮಿಜಿ, ಬೈಲೂರಿನ ನಿಜಗುಣಾನಂದ ಸ್ವಾಮಿಜಿ , ಕಾದರೊಳ್ಳಿಯ ಡಾ. ಪಾಲಾಕ್ಷಿ ಶಿವಯೋಗಿಶ್ವರ, ಸೇರಿದಂತೆ ಹಿರಿಯ ಅಧಿಕಾರಿಗಳು ಅನೇಕ ಗಣ್ಯರು ಪಾಲ್ಗೊಂಡಿದ್ದರು.

ಈ ಸಂದರ್ಭದಲ್ಲಿ ಮಾತನಾಡಿದ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ, "ಕಿತ್ತೂರು ಪ್ರವಾಸಿ ಕೇಂದ್ರವನ್ನಾಗಿ ಪರಿವರ್ತಿಸುವ ಹಿನ್ನೆಲೆಯಲ್ಲಿ ಕೋಟೆಯ ಆವರಣದಲ್ಲಿ ಇತಿಹಾಸದ ಮಹತ್ವ ಸಾರಲು ಅನಾವರಣಗೊಳಿಸಲು ದೃಶ್ಯಕಾವ್ಯ ರೂಪದ "ಫ್ರೀಡಂ ಪಾರ್ಕ್" ನಿರ್ಮಿಸಲು ತಕ್ಷಣ ಆದೇಶ ಹೊರಡಿಸಲಾಗುವುದು. ಹಾಗೂ ಪಾರ್ಕ್ ನಿರ್ಮಾಣಕ್ಕೆ ವೆಚ್ಚಕ್ಕಾಗಿ ಮುಂಬರುವ ವಾರ್ಷಿಕ ಬಜೆಟ್ನಲ್ಲಿ 40 ಕೋಟಿ ರೂಪಾಯಿ ಅನುದಾನ ನೀಡಲಾಗುವುದು" ಎಂದು ಭರವಸೆ ನೀಡಿದ್ದಾರೆ.
"ವಾಯವ್ಯ ಸಾರಿಗೆ ಸಂಸ್ಥೆಯ ಹೆಸರನ್ನು ಮುಂಬರವ ದಿನಗಳಲ್ಲಿ "ಕಿತ್ತೂರು ರಾಣಿ ಚನ್ನಮ್ಮ ರಸ್ತೆ ಸಾರಿಗೆ ಸಂಸ್ಥೆ" ನಿಗಮ ಎಂದು ನಾಮಕರಣ ಮಡಲಾಗುವುದು ಎಂದು ತಿಳಿಸಿದ ಅವರು, ಕಿತ್ತೂರು ಭಾಗಕ್ಕೆ ಅನುಕೂಲವಾಗುವಂತೆ 520 ಕೋಟಿ ರೂಪಾಯಿ ವೆಚ್ಚದ ಚನ್ನವೃಷಭೇಂದ್ರ ನೀರಾವರಿ ಯೋಜನೆಗೂ ಅಗತ್ಯ ಅನುದಾನ ನೀಡಲಾಗುವುದು" ಎಂದು ಹೇಳಿದರು.

ಕಿತ್ತೂರು ರಾಣಿ ಚನ್ನಮ್ಮ ಕನ್ನಡನಾಡಿನ ದಿಟ್ಟ ಹೋರಾಟಗಾರ್ತಿ. ಚನ್ನಮ್ಮಳ ಸಾಹಸ ನಮಗೆಲ್ಲ ಸ್ಫೂರ್ತಿ. ಚನ್ನಮ್ಮಳ ತ್ಯಾಗ ಅಜರಾಮರವಾಗಿದ್ದು, ಅವಳ ಧೈರ್ಯ ಇತಿಹಾಸ ಅಲ್ಲ; ಭವಿಷ್ಯದ ನವಪೀಳಿಗೆಗೆ ಸ್ವಾಭಿಮಾನದ ಪಾಠವಾಗಿದೆ.ಕಿತ್ತೂರು ರಾಣಿ ಚನ್ನಮ್ಮಳ ಸ್ವಾಭಿಮಾನ, ಶೌರ್ಯ ಸಾಹಸದ ಪರಂಪರೆ ಈ ನೆಲದಲ್ಲಿ ಮುಂದುವರಿದಿದೆ. ಜನರು ಅಧಿಕಾರ ನೀಡಿದ್ದಾರೆ; ಅವರ ಋಣವನ್ನು ತೀರಿಸಲು ಪ್ರಾಮಾಣಿಕ ಪ್ರಯತ್ನ ಮಾಡಲಾಗುವುದು. ಕಿತ್ತೂರು ಚನ್ನಮ್ಮ ಎಲ್ಲರ ಬದುಕಿಗೆ ಮಾದರಿಯಾಗಲಿ ಎಂದು ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ ಹಾರೈಯಿಸಿದರು.
ದೇಶಿ ಸಂಸ್ಥಾನಗಳು ಒಗ್ಗಟ್ಟಾಗಿದ್ದರೆ, ಬ್ರಿಟಿಷ್ ರಿ ಸ್ವಾಭಿಮಾನ ಒತ್ತೆ ಇಡದಿದ್ದರೆ ಬ್ರಿಟಿಷ್ ಆಡಳಿತ ಎಂದೋ ಕೊನೆಗೊಳ್ಳುತ್ತಿತ್ತು: ಸಬಿತಾ ಬನ್ನಾಡಿ :

ಸಬಿತಾ ಬನ್ನಾಡಿ ಮಾತನಾಡಿ, ದಾಸ್ಯದ ನರಕ್ಕಿಂತ ಸ್ವಾತಂತ್ರ್ಯದ ಸ್ವರ್ಗ ಲೇಸು ಎಂಬ ಸತ್ಯ ಕಂಡುಕೊಂಡು ಕಿತ್ತೂರು ರಾಣಿ ಚೆನ್ನಮ್ಮ ಜನಪರ ನ್ಯಾಯ, ನೀತಿ, ಸ್ವಾಭಿಮಾನ, ಸ್ವಾತಂತ್ರ್ಯ ಉಳಿಸಿಕೊಳ್ಳುವದ ಸಲುವಾಗಿ ಬ್ರಿಟಿಷರ ವಿರುದ್ದ ಒಬ್ಬ ಮಹಿಳೆಯಾಗಿ ಹೋರಾಟ ನಡೆಸಿ ವೀರತ್ವ ಮೆರೆದಿದ್ದಾಳೆ. ರಾಣಿ ಚೆನ್ನಮ್ಮ, ಅಬ್ಬಕ್ಕ, ರುದ್ರಮ್ಮ, ವೀರಮ್ಮ ಮಹಿಳೆಯರು ಅಂದು ಪಡೆದ ವಿದ್ಯೆ, ತರಬೇತಿಯ ಜ್ಞಾನಶಕ್ತಿಯಿಂದ ಆತ್ಮವಿಶ್ವಾಸ ಹೊಂದಿದ ಕಾರಣ ಬ್ರಿಟಿಷರನ್ನು ಎದುರಿಸುವ ಸಾಮರ್ಥ್ಯ ಹೊಂದಿದ್ದರು. ದೇಶಿ ಸಂಸ್ಥಾನಗಳು ಒಗ್ಗಟ್ಟಾಗಿದ್ದರೆ ಬ್ರಿಟಿಷರು ದೀರ್ಘ ಕಾಲದವರೆ ಆಡಳಿತ ನಡೆಸಲು ಸಾಧ್ಯವಾಗುತ್ತಿರಲಿಲ್ಲ. ದೇಶದ ಎಲ್ಲ ಬಗೆಯ ಸಂಪತ್ತು ಲೂಟಿ ಆಗುತ್ತಿರಲಿಲ್ಲ. ರಾಣಿ ಚೆನ್ನಮ್ಮನ ಹೋರಾಟಕ್ಕೆ ದೇಶಿ ಸಂಸ್ಥಾನಗಳ ಬೆಂಬಲ ಅಂದು ದೊರಕಿದ್ದರೆ ಚೆನ್ನಮ್ಮ ಹೋರಾಟ ಹೊಸ ಇತಿಹಾಸ ಸೃಷ್ಟಿಯಾಗುತ್ತಿತ್ತು. ಬ್ರಿಟಿಷರ ಎಂಜಲು ಕಾಸುಕ್ಕಾಗಿ ಸ್ವಾಭಿಮಾನ ಮಾರಿಕೊಂಡವರಿಂದ ಕೆಲವರ ಕುತಂತ್ರದ ಕಾರಣ ರಾಣಿ ಚೆನ್ನಮ್ಮನಂಥ ಹೋರಾಟಗಾರರು ಬ್ರಿಟಿಷರಿಂದ ಸೋಲು ಅನುಭವಿಸಬೇಕಾಯಿತು ಎಂದು ತಿಳಿಸಿದರು.
***
ಈ ಲೇಖನ ಹಂಚಿಕೊಳ್ಳಿ